حلم الولاد
Tuesday, 15. March 2011
إهداء لشهداء ميدان التحرير
كنا قاعدين مستريحين وفي حياتنا ملهيين بنشوف الفساد حوالينا بس عادي مش متضايقين عساكر بتاخد فلوس شباب صغير على القهاوي مرصوص ناس عماله تكبر وناس الجزم عليهم بتدوس عيال في الشوارع مرميين لا أكل ولا شرب لاقيين وناس من الأوتوبيس متدلدلين عادي يعني،هما بني آدمين؟؟ بنبص وندور وشنا ونكمل حياتنا وشغلنا هو إحنا حنعمل إيه يعني؟؟ ما تخلينا في نفسنا لكن هما مسكتوش ولحياتهم ما رجعوش قالوا لازم نعمل حاجة الإستسلام منعرفوش لازم نقول "لأ" كلنا لازم نوحد شعبنا لازم صوتنا يفضل عالي حتى لو الثمن دمنا يوم 25 كان الميعاد اللي إتفق عليه الولاد وفي الميدان إتلموا كلهم بأدب وعناد ما شفتهم | قالوا حنعبر عن رأينا من غير ما نضايق أهلنا حتى لو حد إستفزنا عمرنا ما حنخرب أرضنا لكن الفساد كان مستنيهم في كل مكان متربص بيهم كان صوتهم لازم يتكتم وكلامهم لازم يتردم حاربوهم بكل الأشكال قنابل ورصاص وجمال أستشهد منهم كتير وإتحبس منهم كتير لكن الغريبة أن عددهم لسه بيفضل كبير صوتهم عمال بيعلى وينادي بالتغيير والكل بيسمعلهم الصغير والكبير مكاسب كتير حققوها ولسه فاضل كتير يمشوا أو ما يمشوش، مش مهم المهم إنهم زلزلونا من جدورنا خلعونا بعد ما كنا مُتقبلين وفي الساقية مربوطين بقينا بنفكر بجد ممكن فعلاً يحصل تغيير؟؟ ممكن بلدنا ترجع نظيفة من بره ومن جوه شريفة؟؟ ممكن نعيش في سلام كلنا؟؟ ممكن نساعد بعضنا؟؟ الحلم ده مش حلمهم بس ده حلمنا إحنا كمان بس إحنا في الأرض دفناه وهما رفعوه فوق رأسنا كلنا |
مريم سمير
Trackbacks
Jugendtraum
Für all die, die auf dem Tahrir-Platz ihr Leben ließen Zufrieden saßen wir herum Vom Alltag herrlich abgelenkt Wir wussten um die Korruption Groß gestört hat sie uns nicht Polizisten, die die Hand aufhalten Die Jugend gammelnd im Café Ein p
Für all die, die auf dem Tahrir-Platz ihr Leben ließen Zufrieden saßen wir herum Vom Alltag herrlich abgelenkt Wir wussten um die Korruption Groß gestört hat sie uns nicht Polizisten, die die Hand aufhalten Die Jugend gammelnd im Café Ein p
Weblog: Transit
Tracked: Mar 17, 11:26
Tracked: Mar 17, 11:26
actually, there are several moderators here. All of us gladly answer and discuss any questions regarding the blog.
Best regards,
Vaclav